فى طريقى ليك مريت بأكتر من طريق
فى دعائى ليك الهمس كان أجمل كلام
والصمت مهد لى الطريق
وفى لحظة سميتها "التجلى"
طريقى قال لى : أنا الطريق
الحزن مركب رحلتك والدمع ياخدك للطريق
والعشق صوفى فى غنوتك والرب يبقالك صديق
دورت حولية أشوفك ..... ملقتش عينى
غمضت عينى عشان أحسك......بينك وبينى
اختفى نورك فى قلبى..... ولقيتنى وحدى عالطريق..
حبيت أفكر فى النهاية
واخترت أكتر من نهاية ....
والعمر عدى ..... بين ليه وفين
والقلب غنى.....غنوة الناى الحزين
ولما النهاية قربت خطاويها منى
رجعت تانى أسألك....فين الطريق ؟!!!
22/4/2010
No comments:
Post a Comment