أنا شارلى شابلن اللى كان
والكلام جواية يوزن تلاتة كيلو برتقان
كيلو.....للناس الغلابة
كيلو.....للناس الديابة
واللى يفضل يبقى من حق العيال !!
كل كلمة قبل ما يكتبها ربى
كان وازنها بالميزان
والكلام فى زمانا دوت
ناقصه حبة حبهان
قلنا تور....قالوا احلبوه
قلنا مصرى....قال حنطوه
قلنا عربى.....قال فرقوه
قلنا مسلم.....قالوا سيبوه
بكرة ياخد من ديانته حبة كلام.....يسطلوه
الحقوق ضاعت فى أرضى
والحكومة جيبانا أرضى
والبوليس هاتكلى عرضى
والغلابة واقعين فى أرضى
لاجل حبة برتقان !!
والحكاية فى كلمتين
ان الكلام أصبح رخيص
فتوى تنقال فى الفضا
مليانة من جوة فضا
والكلام اللى بحبه يتوزن بتلاتة كيلو برتقان
تاخدوا كيلو من العمل
على كيلو من الأيمان
واللى يفضل ابعتولى
أصلى خرمان برتقان
No comments:
Post a Comment